ویب ڈیسک: جعلی فوڈ پوائزنگ سکینڈل میں 42 سالہ لورا جوائس سمیت دیگر 8 برطانوی افراد پر فرد جرم عائد کردی گئی۔
ہسپانوی جزیرے ’میجرکا ‘کے تین ہوٹلوں کو 9.5 ملین پاؤنڈ کا چونا لگانے والی ملزمہ لوراجوائس بار مشرقی انگلستان کے علاقے ایسیکس میں پیدا ہوئیں، لورا جوائس بدنام زمانہ میگلوف بار کی مالکہ بھی ہیں، اب اسے اپنے بھائی اور چھ مبینہ ساتھیوں کے ساتھ مقدمے کا سامنا ہے جنہیں سیاحوں کو دعوے کرنے پر راضی کرنے کے لیے رکھا گیا تھا، لوراجوائس گینگ کے مبینہ سرغنہ میں سے ایک ہے۔
میجرکا کی عدالت نے جعلی فوڈ پوائزنگ کیس پر چھ صفحات پر مشتمل فیصلہ سنا دیا جس میں کہا گیا کہ بھائی اور بہن نے ایک "منافع بخش منظم گروہ" تشکیل دیا، جو سیاحوں کو فوڈ پوائزننگ کا بہانا کر کے ہوٹلوں سے پیسے بٹورنے کیلئے معاوضے کا جھوٹے دعوے کرنے کے لیے آمادہ کرتا تھا، تمام آٹھ افراد پر دھوکہ دہی اور جرائم پیشہ گروہ کی رکنیت کا الزام ہے۔
تفتیشی جج نے ہومز کیمرون اور برج کے لیے کام کرنے والے وکلاء کی جانب سے ان کے خلاف کیس کو روکنے کی استدعا کو مسترد کردیا۔
جج نے اپنے فیصلے میں کہا کہ کلب میک الکوڈیا میں قیام پذیر 800 سیاحوں میں سے صرف 38 نے معاوضے کے دعوے جمع کرائے تھے انہوں نے طبی امداد کی درخواست کی تھی۔
واضح رہے کہ 2017 میں جب گینگ کی سرغنہ لوراجوائس کو گرفتار کیا گیا تھا وہ 8 ماہ کی حاملہ تھیں، انہوں نے گرفتاری کے بعد مقامی میڈیا سے گفتگو کرتے ہوئے جرم ماننے سے انکار کیا تھا۔
یاد رہے کہ میجرکا بیلاری جزائر کا سب سے بڑا جزیرہ ہے، جو اسپین کا حصہ ہے، اور بحیرہ روم میں ساتواں بڑا جزیرہ ہے۔