سٹی 42: افغان طالبان حکومت کی جانب سے پاکستان افغانستان سرحد پر بلا اشتعال کارروائی کا فوری اور موثر جواب دیا گیا۔
افغان طالبان نے غلط اندازہ لگایا اور کے پی میں پاکستان افغانستان سرحد کے پار متعدد مقامات پر بلا اشتعال فائرنگ کی جس کا پاکستان کی سیکیورٹی فورسز کی جانب سے فوری اور موثر جواب دیا جا رہا ہے۔

  چترال، خیبر، مہمند، کرم اور باجوڑ سیکٹرز میں طالبان حکومت کی افواج کو سزائیں دی جا رہی ہیں۔

  ابتدائی رپورٹوں میں افغان جانب سے بھاری جانی نقصان کی تصدیق کی گئی ہے جس میں متعدد پوسٹیں اور آلات تباہ ہو گئے ہیں۔پاکستان اپنی علاقائی سالمیت اور اپنے شہریوں کے تحفظ کو یقینی بنانے کے لیے تمام ضروری اقدامات کرے گا۔