سٹی 42 : ریلوے سسٹم میں بوگیوں کی قلت سنگین صورتحال اختیار کر گئی، ٹرین آپریشن میں 50سے زائد بوگیوں کی قلت کی وجہ سے ٹرینوں کو شارٹ کمپوزیشن پہ چلایا جانے لگا، جبکہ 16ٹرینوں میں بوگیوں کی تعداد کو کم کردیا گیا۔
خیبر میل ایکسپریس ٹرین کی بوگیوں کی تعداد 19سے کم کرکے 17 کردی گئی، تیزگام ایکسپریس میں بوگیوں کی تعداد 19سے کم کرکے 17کردی گئی، اس کے علاوہ عوام ایکسپریس میں بھی شامل بو گیوں کی تعداد 19سےکم کرکے 17 بوگیاں کردی گئی۔ کراچی ایکسپریس ٹرین میں بوگیوں کی تعداد 17سے کم کرکے 16 بوگیاں کردی گئی، فرید ایکسپریس ٹرین میں بوگیوں کی تعداد 15سے کم کرکے 13 کردی گئی، شاہ حسین ایکسپریس ٹرین میں بوگیوں کی تعداد 16سے کم کرلے 14 کردی گئی۔ اسلام آباد ایکسپریس ٹرین میں بوگیوں کی تعداد 10سے کم کرکے 9کر دی گئی۔
ریلوے حکام کے مطابق سیلاب کے بعد بند ٹرینوں کو مرحلہ وار بحال کرنے کے دوران بوگیوں میں اضافہ کیا گیا تھا، ٹرینوں کی کمپوزیشن کو معمول پر لانے کے لیے یہ اقدام اٹھایا گیا، لوکو موٹو کی پاور کے حساب سے بوگیوں کی کمپوزیشن کو ٹھیک کیا گیا ۔