(ویب ڈیسک) بھارت کی ریاست چھتیس گڑھ کے شہر رائے پور کے میگنیٹو مال میں انتہا پسند جماعت بجرنگ دل نے کرسمس سجاوٹ کو نقصان پہنچایا،اور توڑپھوڑ کی ۔ یہ واقعہ چھتیس گڑھ بند اور کنکر میں مذہبی تبدیلی کے تنازع کے بعد پیش آیا، ویڈیوز وائرل ہو گئیں۔
بھارتی ذرائع ابلاغ کی رپورٹ کے مطابق ریاست چھتیس گڑھ کے دارالحکومت رائے پور میں واقع میگنیٹو مال میں بدھ کے روز ایک مشتعل ہجوم نے داخل ہو کر کرسمس کی سجاوٹ اور تہوار کی آرائش کو نقصان پہنچایا۔ اس واقعے کی ویڈیوز سوشل میڈیا پر تیزی سے وائرل ہو گئیں، جن میں دیکھا جا سکتا ہے کہ کچھ افراد کرسمس سے متعلق سجاوٹی اشیاء کو توڑ پھوڑ کا نشانہ بنا رہے ہیں۔
Location: Raipur, Chhattisgarh, INDIA
— Tamil Catholic (@PKM_Mary_Church) December 25, 2025
Date: 24 December
Hindu nationalist organizations Bajrang Dal vandalized Christmas decorations at Magneto Mall. The incident occurred amid a call for a statewide shutdown in Chhattisgarh over an alleged religious conversion case in Kanker… pic.twitter.com/A5lxrSzgE1
یہ واقعہ ایسے وقت پیش آیا جب ریاست بھر میں مبینہ غیر قانونی مذہبی تبدیلیوں کے خلاف ایک دن کی چھتیس گڑھ بند کی کال دی گئی تھی۔ وائرل ویڈیو، جو کہ سوشل میڈیا پلیٹ فارم ایکس (سابقہ ٹوئٹر) پر ایک تامل کیتھولک اکاؤنٹ کی جانب سے شیئر کی گئی، میں واضح طور پر دیکھا جا سکتا ہے کہ ہجوم مال کے اندر کرسمس تھیم پر مبنی سجاوٹ کو تباہ کر رہا ہے، جبکہ مال کے سکیورٹی گارڈز انہیں روکنے کی ناکام کوشش کرتے نظر آ رہے ہیں۔
یہ چھتیس گڑھ بند کی کال سرو ہندو سماج کی جانب سے بلائی گئی تھی، جو کہ مبینہ جبری مذہبی تبدیلیوں کے خلاف احتجاج کر رہا تھا۔ اس بند کی کال ایک حالیہ واقعے کے بعد سامنے آئی، جو کنکر ضلع میں دو برادریوں کے درمیان پیش آیا تھا۔ اطلاعات کے مطابق یہ تنازع ایک شخص کی تدفین کے معاملے پر پیدا ہوا، جس کے بعد حالات کشیدہ ہو گئے۔چھتیس گڑھ میں گزشتہ کچھ عرصے سے مذہبی تبدیلیوں کے الزامات پر سیاسی اور سماجی کشیدگی پائی جا رہی ہے۔ مختلف ہندو تنظیمیں یہ دعویٰ کرتی رہی ہیں کہ بعض علاقوں میں زبردستی یا لالچ کے ذریعے مذہب تبدیل کروایا جا رہا ہے، جبکہ اقلیتی برادریاں ان الزامات کو بے بنیاد قرار دیتی ہیں۔کنکر ضلع میں پیش آنے والے حالیہ تنازع نے اس کشیدگی کو مزید بڑھا دیا، جس کے نتیجے میں ریاست گیر بند اور رائے پور میں یہ افسوسناک واقعہ پیش آیا۔