حمزہ شہباز شریف بڑی مشکل سے بچ گئے

حمزہ شہباز شریف بڑی مشکل سے بچ گئے

(عمر اسلم)لاہور ہائیکورٹ نے پنجاب اسمبلی میں اپوزیشن لیڈر میاں حمزہ شہباز شریف کی ضمانت میں 8 مئی تک توسیع کردی۔

 ذرائع کے مطابق جسٹس ملک شہزاد احمد خان کی سربراہی میں 2 رکنی بینچ نے اپوزیشن لیڈر پنجاب اسمبلی حمزہ شہبازشریف کی رمضان شوگر ملز،صاف پانی اورناجائز اثاثہ جات کیس میں ضمانت میں 8 مئی تک توسیع کردی۔

لاہور ہائیکورٹ پہنچنے پر لیگی کارکنان کی بڑی تعداد حمزہ شہبازشریف کی گاڑی کے آگے آ گئی اور اُن کے حق میں نعرے بازی کی، حمزہ شہباز کے استقبال کیلئے آئے لیگی رہنماؤں کا کہنا تھا کہ نیب شریف خاندان کیخلاف سیاسی انتقامی کارروائیاں کررہا ہے۔