ملک فیصل ایوب کھوکھر نے عوام سے اپیل کی ہے کہ عید قرباں کے موقع پر قربانی کے جانور بجلی کے کھمبوں، ٹرانسفارمرز اور دیگر برقی تنصیبات کے قریب نہ باندھے جائیں تاکہ کسی بھی ناخوشگوار حادثے سے بچا جا سکے۔
صوبائی وزیر توانائی کا کہنا تھا کہ لٹکتی ہوئی بجلی کی تاروں اور خطرناک برقی تنصیبات سے جانوروں کو دور رکھنا انتہائی ضروری ہے، کیونکہ معمولی غفلت بھی کسی بڑے حادثے کا سبب بن سکتی ہے۔
انہوں نے شہریوں پر زور دیا کہ جانور باندھنے سے قبل جگہ کا مکمل جائزہ لیا جائے اور اس بات کو یقینی بنایا جائے کہ اطراف میں کوئی کھلی یا خطرناک بجلی کی تار موجود نہ ہو۔
ملک فیصل ایوب کھوکھر نے کہا کہ عید کے دنوں میں احتیاطی تدابیر اختیار کر کے انسانی جانوں اور قیمتی جانوروں کو ممکنہ حادثات سے محفوظ بنایا جا سکتا ہے۔