سٹی42:کلمہ چوک انڈر پاس پر شدید ٹریفک جام کے باعث شہریوں کو آمدورفت میں مشکلات کا سامنا ہے۔ برکت مارکیٹ سے گلبرگ جانے والے راستے پر ٹریفک کی روانی شدید متاثر ہونے سے گاڑیوں کی لمبی قطاریں لگ گئیں۔
دفاتر جانے والے شہری ٹریفک جام میں پھنس گئے، جبکہ سینکڑوں گاڑیاں اور موٹر سائیکلیں رش میں کئی منٹ تک پھنسی رہیں۔
ٹریفک جام کے باعث شہریوں کو اپنی منزل تک پہنچنے میں تاخیر کا سامنا کرنا پڑ رہا ہے، جبکہ ٹریفک کی روانی بحال کرنے کے لیے متعلقہ حکام کی کارروائی کا انتظار ہے۔