سٹی 42: سابق سفیر ایاز وزیر کی بیٹی ریان وزیر ٹریفک حادثے میں جاں بحق ہوگئیں۔
ذرائع کے مطابق افسوسناک حادثہ اسلام آباد کے پریڈ گراؤنڈ میٹرو اسٹیشن کے قریب پیش آیا جہاں سوزوکی سوئفٹ گاڑی تیز رفتاری کے باعث بے قابو ہو کر فٹ پاتھ پر چڑھ گئی۔
ابتدائی اطلاعات کے مطابق گاڑی چلانے والی ریان وزیر موقع پر ہی دم توڑ گئیں۔ پولیس ذرائع کا کہنا ہے کہ گاڑی نمبر CB-214 ایاز خان کے نام پر رجسٹرڈ ہے۔
ریسکیو اہلکاروں نے لاش کو پمز اسپتال منتقل کر دیا جبکہ پولیس نے حادثے کی تحقیقات شروع کر دی ہیں۔