عیسی ترین: کوئٹہ میں ساتویں محرم الحرام کے موقع پر سکیورٹی خدشات کے پیش نظر موبائل فون اور انٹرنیٹ سروس عارضی طور پر معطل کر دی گئی ہے۔
حکام کا کہنا ہے کہ سکیورٹی خدشات کے باعث موبائل اور انٹرنیٹ سروسز کو معطل کیا گیا ہے، جبکہ قانون نافذ کرنے والے ادارے شہر میں سکیورٹی کے سخت انتظامات کیے ہوئے ہیں۔
ذرائع کے مطابق صورتحال معمول پر آنے کے بعد آج رات گئے موبائل فون اور انٹرنیٹ سروسز کی بحالی کا امکان ہے۔
شہریوں سے اپیل کی گئی ہے کہ وہ سکیورٹی اداروں سے تعاون کریں اور کسی بھی ہنگامی صورتحال میں متبادل ذرائع ابلاغ استعمال کریں۔