ویب ڈیسک: پاکستان سپر لیگ (پی ایس ایل) میں کراچی کنگز کی ایک اور شکست پر وسیم اکرم اپنے غصے پر قابو نہ رکھ سکے، جس پر ان کی اہلیہ شنیرا اکرم بھی حیران ہو گئیں۔
سوشل میڈیا پر ایک ویڈیو وائرل ہو رہی ہے جس میں وسیم اکرم ایچ بی ایل پی ایس ایل میں ملتان سلطانز کے خلاف شکست پر شدید غصے میں آ گئے تھے۔
— Shaniera Akram (@iamShaniera) February 22, 2023
وسیم اکرم نے میدان میں ہی اپنے غصے کا اظہار کیا، انہوں نے پہلے اپنا سر پکڑا اور پھر سامنے موجود کرسی پر زوردار لات بھی ماری۔
سابق کپتان کی اہلیہ شنیرا اکرم بھی اپنے شوہر کا غصہ دیکھ کر حیران ہو گئی ہیں۔سماجی رابطے کی ویب سائٹ ٹوئٹر پر شنیرا اکرم نے وسیم اکرم کے غصے والی ویڈیو پر حیرانی والا ایموجی شیئر کیا ہے۔
واضح رہے کہ پی ایس ایل 8 کے دوران کراچی کنگز اب تک 5 میچز کھیل چکی ہے جن میں سے اُسے 4 میں شکست ہوئی ہے۔