سٹی42: "خدا امریکہ کو خوش رکھے۔ خدا اسرائیل کا بھلا کرے اور خدا ہمارے غیر متزلزل اتحاد، ہمارے اٹوٹ ایمان کو برکت دے"؛  فردو، نتنز اور اصفہان نیوکلئیر سائیٹس پر امریکہ کے حملوں کے بعد اسرائیلی وزیراعظم بن یامین نیتن یاہو نے سدر ٹرمپ کا شکریہ ادا کرتے ہوئے کہا ہے کہ ایران کے جوہری مقامات پر امریکی حملہ ’تاریخ بدل دے گا‘

کچھ دیر پہلے اسرائیل کے وزیر اعظم بینجمن نیتن یاہو نے ایک ویڈیو بیان پوسٹ کیا ہے جس میں ایران کے جوہری مقامات پر حملے کے فیصلے پر امریکی صدر ڈونلڈ ٹرمپ کا شکریہ ادا کیا گیا ہے۔

نیتن یاہو کا کہنا ہے کہ "مبارک ہو، صدر ٹرمپ۔ ایران کی جوہری تنصیبات کو امریکہ کی شاندار اور صالح طاقت سے نشانہ بنانے کا آپ کا جرات مندانہ فیصلہ تاریخ بدل دے گا۔"

"آپریشن رائزنگ لائین میں، اسرائیل نے واقعی حیرت انگیز کام کیے ہیں۔ لیکن ایران کی جوہری تنصیبات کے خلاف آج رات کی کارروائی میں، امریکہ واقعی بے مثال رہا ہے۔ اس نے وہ کر دکھایا جو دنیا کا کوئی دوسرا ملک نہیں کر سکتا تھا۔"

نیتن یاہو نے مزید کہا، ’’تاریخ ریکارڈ کرے گی کہ صدر ٹرمپ نے دنیا کی خطرناک ترین حکومت، دنیا کے سب سے خطرناک ہتھیاروں کے وجود کو قبول کرنے سے  انکار کرنے کے لیے کام کیا۔‘‘

"ان کی قیادت نے آج تاریخ کا ایک محور بنایا ہے جو مشرق وسطیٰ اور اس سے آگے خوشحالی اور امن کے مستقبل کی طرف رہنمائی کر سکتا ہے۔"

نیتن یاہو نے مزید کہا، "صدر ٹرمپ اور میں اکثر کہتے ہیں طاقت کے ذریعے امن۔ پہلے طاقت آتی ہے، پھر امن آتا ہے۔ اور آج رات، صدر ٹرمپ اور امریکہ نے بہت طاقت کے ساتھ کام کیا۔"

"صدر ٹرمپ، میں آپ کا شکریہ ادا کرتا ہوں۔ اسرائیل کے لوگ آپ کا شکریہ ادا کرتے ہیں۔ تہذیب کی قوتیں آپ کا شکریہ ادا کرتی ہیں۔"

نیتن یاہو نے کہا،  "خدا امریکہ کو خوش رکھے۔ خدا اسرائیل کا بھلا کرے اور خدا ہمارے غیر متزلزل اتحاد، ہمارے اٹوٹ ایمان کو برکت دے۔"