سٹی42:  ایران کی زیر زمین تنصیبات کو تباہ کرنے کے لئے بنکر بسٹر بموں سے لدے ہوئے بی ٹو سپرٹ سٹیلتھ طیارے کہاں سے اڑائے گئے۔

یہ تو معلوم ہے کہ امریکہ نے فردو کی زیر زمین تنصیبات کو تباہ کرنے کے لئے بی ٹو سپرٹ سٹیلتھ طیارے ہی استعمال کئے اور ان کے ساتھ  خطرناک ترین بنکر بسٹر بم استعمال کئے لیکن یہ ابھی واضح نہیں کہ بی تو طیارے حملے کرنے کے لئے کہاں سے اڑائے گئے۔

محض اندازہ ہے کہ ڈیگو گارشیا بیس پر پہلے بھیجے گئے بی تو طیارے ان حملوں کے لئے استعمال کئے گئے۔  کچھ بی ٹو کل بھی امریکہ کے میسوری سٹیت مین واقع بیس سے  اڑ کر مغروب کی طرف بحرالکاہل میں گوام کی طرف گئے تھے۔

ایک اسرائیلی اہلکار نے Axios نیوز سائٹ کو بتایا کہ ایران کی جوہری تنصیبات کے خلاف راتوں رات حملے کرنے کے لیے، امریکہ نے B-2 سٹیلتھ بمباروں کا استعمال کیا، یہ جدید طیارہ بہت بڑا بنکر بسٹر بم گرانے کے قابل ہونے کے لیے جانا جاتا ہے جو ممکنہ طور پر فردو  میں ایران کی زیر زمین جوہری تنصیب کو تباہ کرنے کی صلاحیت رکھتے ہیں۔

امریکہ کے بی ٹو بمبار طیاروں سے فیصلہ کن حملوں سے کچھ گھنتے پہلے ہفتے کی شام اوپن سورس فلائٹ ٹریکرز نے دیکھا تھا کہ متعدد B-2 بمبار امریکہ سے بحر الکاہل میں گوام کی طرف جا رہے تھے۔

اب تک یہ واضح نہیں کہ امریکہ نے آج رات کے حملوں وہی بی تو سٹیلتھ طیارے استعمال کئے جو کل شام/ رات  گواہ کی طرف جاتے ہوئے ٹریک کئے گئے تھے۔ امریکہ کے پاس ڈیگو گارشیا کے بیس پر بی تو طیارے پہلے سے موجود تھے۔

ایک رائے یہ ہے کہ  یہ دیکھتے ہوئے کہ ان بمبار طیاروں کو ایران تک پہنچنے کے لیے مزید وقت درکار ہوتا، ایسا لگتا ہے کہ دوسرے حملہ آوروں کو آج رات کے حملے میں استعمال کیا گیا تھا۔