(حافظ شہباز)قومی ویمن ٹیم کا دورہ ویسٹ انڈیز،سکواڈ میں شامل تمام کھلاڑیوں اور سپورٹس سٹاف کے کوویڈ ٹیسٹ منفی آگئے ۔

 تفصیلات کے مطابق تمام سکواڈ کے اینٹی باڈی ٹیسٹ بھی کلیئر ہوگئے ہیں ،سکواڈ کے کوویڈ اور اینٹی باڈی ٹیسٹ کل ہوٹل پہنچنے پر کیے گئے تھے۔قومی سکواڈ کل علی الصبح براستہ لندن اینٹیگا روانہ ہوگا۔

 واضح رہےکہ قبل ازیں سلیکشن کمیٹی نے دورہ ویسٹ انڈیز میں شامل وائٹ بال سیریز کیلئےٹیم کا اعلان کیا تھا۔ویمن کرکٹ ٹیم سکواڈ میں جویریہ خان ، رامین شمیم ، سدرہ نواز ، عالیہ ریاض ،ایمن انور، انعم امین، عائشہ نسیم، عائشہ ظفر، ڈیانا بیگ، فاطمہ ثناء ارم جاوید ، جویریہ رؤف، کائنات امتیاز، کائنات حفیظ، ماہم طارق،منیبہ علی صدیقی، ناہیدہ خان، نجیہ علوی ،نشرہ سندھو، نتالیہ پرویز ،ندا ڈار، عمیمہ سہیل، صباء نذیر، سعدیہ اقبال، سدرہ امین، سیدہ عروب کو شامل کیا گیا ۔

 ٹیم دورہ ویسٹ انڈیز میں3 ٹی 20 اور 5 ون ڈے انٹرنیشنل میچز کھیلے گی ،خواتین اے ٹیم 3 ٹی 20 اور 3 ون ڈے میچز پر مشتمل کی سیریز کھیلیں گی۔ٹیم انتظامیہ میں عائشہ جلیل اور فضہ عابد منیجرز ہوں گے،ڈیوڈ ہیمپ ہیڈ کوچ اور ارشد خان باؤلنگ کوچ  جبکہ کامران حسین اور وقار اورکزئی اسسٹنٹ کوچز ہوں گے۔ڈریکس سائمن اسٹرینتھ اور کنڈیشنگ کوچ ، احسن افتخار ناگی میڈیا منیجر ہونگے جبکہ زبیر احمد ویڈو اینالسٹ ، رابعہ صدیق اور صائمہ نسیم فزیو تھیراپسٹس ہیں۔