سٹی 42 : مری، ایبٹ آباد شہر  میں بارش اور گلیات میں برف باری کا سلسلہ شروع ہوگیا ہے ۔

ایبٹ آباد شہر میں بارش اور گلیات میں برف باری کا سلسلہ شروع ہوگیا ہے۔ بارش اور برفباری کے بعد سردی کی شدت میں اضافہ ہوگیا، برف باری کا آغاز ہوتے ہی سیاح ہوٹلوں سے مری روڈ پر جمع ہوگئے۔ ایبٹ آباد سیاح سرد موسم کے باوجود برف سے تفریح لینے میں مگن ہیں۔

دوسری جانب ریسکیو اور جی ڈی اے ٹیمیں گلیات میں الرٹ ہیں، برف ہٹانے کیلئے ہیوی مشینری بھی پہنچا دی گئی ہے، ساتھ ہی سیاحوں کو احتیاط کی ہدایت بھی کی گئی ہے۔

محکمہ موسمیات کے مطابق مزید برفباری متوقع ہے، اگلے 24 سے 30 گھنٹوں میں اچھی برفباری کی پیشگوئی کی گئی ہے۔