ویب ڈیسک : اگر آپ ایکس (سابق ٹوئٹر) استعمال کرتے ہیں تو آپ نے ضرور محسوس کیا ہوگا کہ ویب لنک والی پوسٹس واضح طور پر نظر نہیں آتیں,تاہم صارفین کی شکایات کے بعد ایکس انتظامیہ نے اس مسئلے کے حل کے لیے نیا فیچر متعارف کرانے کی تیاری شروع کر دی ہے۔

ایکس کے پراڈکٹ ہیڈ Nikita Bier نے بتایا کہ سوشل میڈیا پلیٹ فارم میں اس حوالے سے ایک نئے فیچر کی آزمائش کی جا رہی ہے,انہوں نے ایک ایکس پوسٹ میں بتایا کہ کمپنی ایک ویب لنک کے نئے تجربے کی آزمائش کر رہی ہے۔

اس فیچر کے تحت لوگ اوریجنل پوسٹ سے مکمل طور پر نکلے بغیر کسی لنک کو اوپن کرسکیں گے، تاکہ وہ لائیک، ری پوسٹ اور دیگر بٹنوں کو دیکھ سکیں۔

We're testing a new link experience, starting on iOS -- to make it easier for your followers to engage with your post while browsing links.

For creators, a common complaint is that posts with links tend to get lower reach. This is because the web browser covers the post and… pic.twitter.com/oWraLpPwji

— Nikita Bier (@nikitabier) October 19, 2025

اس فیچر کی آزمائش ابھی ایکس کی آئی او ایس ایپ کے صارفین میں کی جا رہی ہے۔

انہوں نے بتایا کہ اس فیچر میں جب کسی ویب لنک پر کلک کیا جائے گا تو پوسٹ پیج کے نیچے چلی جائے گی اور ویب لنک پر موجود مواد سامنے آئے گا جبکہ نیچے لائیک اور دیگر بٹن نظر آئیں گے۔

ان کا کہنا تھا کہ ایکس پر ویب لنک والی پوسٹس کو زیادہ رسائی اس لیے نہیں ملتی کیونکہ لوگ جب لنک پر کلک کرتے ہیں تو وہ لائیک یا ریپلائی کو نظر انداز کر دیتے ہیں، جس کے باعث ایکس کو علم نہیں ہوتا کہ یہ مواد اچھا ہے یا نہیں۔