سپریم کورٹ کا بزرگ پنشنر کے 2 بچوں کومیڈیکل کالج میں داخلے کا حکم

سپریم کورٹ کا بزرگ پنشنر کے 2 بچوں کومیڈیکل کالج میں داخلے کا حکم


ملک اشرف: چیف جسٹس آف پاکستان کی سربراہی میں 3 رکنی بنچ نے کیس کی سماعت کی۔ سپریم کورٹ نےفاطمہ الزہرہ اور امیر حمزہ کو پرائیویٹ میڈیکل کالج میں داخلہ دلوانے کا حکم دے دیا۔

یہ بھی لازمی پڑھیں:بولو لاہور 20نومبر 2018    

تفصیلات کے مطابق  بزرگ پنشنر ڈاکٹر عقیل احمد کی جانب سے درخواست دائر کی گئی ۔ درخواست گزار کا کہنا تھا کہ پنجاب حکومت نےمیری پنشن جاری نہیں کی، پنشن نہ ملنے کی وجہ سے بیٹے اور بیٹی کی فیس نہیں دے سکا، حکومت پنشن جاری کردیتی توبچوں کووقت پر داخلہ مل جاتا، سال ہوگیاہے لیکن پنشن کاایک روپیہ بھی جاری نہیں کیا گیا۔

چیف جسٹس پاکستان کی سربراہی میں 3رکنی بنچ نے کیس کی سماعت کرتے ہوئے بزرگ پنشنر کے دونوں بچوں کومیڈیکل کالج میں داخلے کا حکم دے دیا۔چیف جسٹس پاکستان کا کہنا تھا کہ سپریم کورٹ دونوں بچوں کی میڈیکل تعلیم کے اخراجات اٹھائےگی۔