سٹی42:  غزہ میں جنگ دو ہفتوں میں بند ہونے کے صدر ڈونلڈ ٹرمپ کے نعرے کے برعکس غزہ میں جنگ بڑھ رہی ہے۔ اسرائیل کی فوج نے غزہ میں حماس کے سٹرونگ ہولڈ تصور کئے جانے والے علاقہ مین پہلی بار زمینی کارروائی کا آغاز کر دیا ہے۔ 

آئی ڈی ایف ن آج اتوار کے روز بتایا کہ اس نے پہلی بار وسطی غزہ میں دیر البلاح میں زمینی کارروائی شروع کر دی ہے۔
آئی ڈی ایف نے وسطی غزہ  میں دیر البلاح کے جنوب مغرب میں مقیم فلسطینیوں کے لیے انخلاء کا نیا انتباہ جاری کیا ہے، آئی ڈی ایف نے میڈیا کو بتایا کہ فوج غزہ میں جنگ کے آغاز کے بعد پہلی بار شہر کے اس خاص علاقہ میں زمینی کارروائیاں شروع کرنے کے لیے تیار ہے۔

IDF کے عربی زبان کے ترجمان، کرنل Avichay Adraee  سوشل پلیٹ فارم ایکس پر کہتے ہیں، "آئی ڈی ایف علاقے میں دشمن کی صلاحیتوں اور دہشت گردی کے بنیادی ڈھانچے کو تباہ کرنے کے لیے بڑی طاقت کے ساتھ کام جاری رکھے ہوئے ہے، کیونکہ وہ اپنی سرگرمیوں کو ایسے علاقے میں پھیلاتا ہے جہاں اس نے پہلے کام نہیں کیا تھا۔"

فلسطینی سویلینز  کو ہدایت کی گئی ہے کہ وہ ساحل پر واقع مواسی علاقے کی طرف جنوب کی طرف  چلےجائیں۔

جنگ شروع ہونے کے بعد یہ پہلا موقع ہے کہ آئی ڈی ایف نے دیر البلاح علاقے کے لیے انخلاء کا انتباہ جاری کیا ہے، یہ پٹی کے ان چند مقامات میں سے ایک ہے جہاں فوج نے اب تک  زمینی دستوں کے ساتھ کام نہیں کیا ہے۔

یہ بات قابلِ ذکر ہے کہ آج آرمی نے انخلا کی وارننگ صرف دیر البلاح کے جنوبی علاقہ کے مکینوں کے لئے دی گئی ہے، دیر البلاح کے مرکزی حصہ میں رہ رہے لوگوں سے علاقہ چھوڑنے کے لئے ابھی نہیں کہا گیا۔

دیر البلاح کی خاص اہمیت

آئی ڈی ایف نے ان علاقوں میں زمینی کارروائیوں سے یہ کہتے ہوئے گریز کیا ہے جہاں اس کا خیال ہے کہ حماس نے یرغمال بنائے ہوئے اسرائیلیوں کو رکھا ہوا ہے، تاکہ  کسی انجانے مین کئے گئے حملے سے ان یرغمالیوں کو خطرے میں نہ ڈالا جائے کیونکہ حماس نے اس عزم کا اظہار کیا ہے کہ اگر فوج یرغمال رکھنے والوں کے قریب پہنچی تو قیدیوں کو پھانسی دے دی جائے گی۔

مئی سے آئی ڈی ایف کے اندازوں کے مطابق تقریباً 350,000 فلسطینی وسطی غزہ میں مقیم ہیں۔ یہ واضح نہیں ہے کہ نئے خالی ہونے والے زون میں کتنے ہیں۔

حماس کا  سرنگوں سے بھرا سٹرونگ ہولڈ

دیر البلاح پٹی کے ان چند مقامات میں سے ایک ہے جہاں فوج نے ابھی تک زمینی دستوں کے ساتھ کام نہیں کیا ہے کیونکہ اس کا خیال ہے کہ حماس وہاں یرغمال بنائے ہوئے ہے، حالانکہ اس نے شہر میں فضائی حملے کیے ہیں۔

 اس علاقہ کے بارے میں یہ خیال کیا جاتا ہے کہ وہاں حماس کا سرنگوں کا زیادہ بڑا نیٹ ورک موجود ہے اور فضائی حملوں سے اس علاقہ میں حماس کا کچھ زیادہ نقصان نہیں ہوا۔ 

ٹرمپ کی دو ہفتوں میں جنگ بندی کی امید کیا ہوئی

صدر ڈونلڈ ٹرمپ نے  28 جون کو نعرہ لگایا تھا کہ غزہ میں جنگ دو ہفتوں میں بند ہو جائے گی، ٹرمپ کے اس پریگمیٹک اعلان کو اب تین ہفتے گزر چکے ہیں؛ دوحہ میں عرب ثالثوں کی کوشش سے امریکہ کی یرغمالیوں کی دو مرحلوں میں رہائی کی تجویز  پر نئے مذاکرات تو شروع ہو گئے، امریکہ کی تجویز کو اسرائیل نے تو مان لیا لیکن حماس نے ایسی شرائط پیش کر دیں جن کو ماننے پر اسرائیل کسی قیمت پر  تیار نہیں ہوا۔

 دوحہ میں مذاکرات اب بھی جاری ہیں لیکن غزہ میں اسرائیلی فوج کی کارروائیاں اور حماس کے محدود  حملے بھی بدستور جاری ہیں۔

#عاجل ‼️ إلى جميع المتواجدين في المنطقة الجنوبية الغربية من دير البلح، في البلوكات 130، 132-134، 136-139، 2351، بما في ذلك المتواجدين داخل الخيام الموجودة في المنطقة

⭕️يواصل جيش الدفاع العمل بقوة كبيرة لتدمير قدرات العدو والبنى التحتية الإرهابية في المنطقة حيث يوسّع أنشطته في… pic.twitter.com/dcDvPcJLC1

— افيخاي ادرعي (@AvichayAdraee) July 20, 2025