قیصر کھوکھر : لوکل گورنمنٹ اینڈ کمیونٹی ڈ ویلپمنٹ ڈیپارٹمنٹ میں سب انجینئر بہاولپور کی آسامیوں کے حتمی نتائج کا اعلان,سیکرٹری پی پی ایس سی نے کامیاب اُمیدواروں کا نوٹیفکیشن جاری کر دیا۔
ترجمان پنجاب پبلک سروس کمیشن کے مطابق لوکل گورنمنٹ اینڈ کمیونٹی ڈ ویلپمنٹ ڈیپارٹمنٹ میں سب انجینئر بہاولپور کی مجموعی طور پر 9 آسامیوں پر اُمیدواروں کو کامیاب قرار دیا گیا ۔ اوپن میرٹ پر 7 آسامیوں کے لیے اُمیدواروں کے تقرر کی سفارش کردی گئی ۔ خواتین کوٹہ کی 2 آسامیاں موزوں اُمیدوار دستیاب نہ ہونے کی وجہ سے اوپن میرٹ میں تبدیل کی گئیں ۔ اقلیتی کوٹہ کی ایک آسامی موزوں امیدوار دستیاب نہ ہونے پرخالی رہ گئی۔ سیکرٹری پنجاب پبلک سروس کمیشن افضال احمد نے امیدواروں کی سفارشات کا نوٹیفکیشن جاری کر دیا۔ کامیاب امیدواروں کی فہرست پی پی ایس سی کی ویب سائٹ پر بھی دستیاب ہے۔