(در نایاب) ایل ڈی اے بلڈنگ اینڈ زوننگ رولز ، پرائیویٹ ہاؤسنگ رولز کی ترامیم کے بعد لینڈ یوز رولز دوہزار بیس منظوری کے بعد نوٹیفائی کردئے گئے ، کمرشل کے لئے فروزن روڈ کے مسائل حل ، مارکی سٹرکچر کی اجازت ، پٹرول پمپس لگانے کی منظوری سمیت اہم رولز سے شہری مستفید ہوں گے ۔
نئے رولز میں کمرشل استعمال کے لئے فروزن روڈ کے مسائل حل اور اجازت ہوسکے گی ۔ نئے رولز میں فروزن روڈز کے لئے ڈی جی ایل ڈی اے کی سربراہی میں کمیٹی قائم کردی گئی ۔ لینڈ یوز رولز میں مارکی سٹرکچر کی اجازت کا طریقہ کار بھی وضع کردیا گیا ۔ نئے رولز کے تحت ایل ڈی اے کنٹرولڈ ایریاز میں پڑول پمپس لگانے کی اجازت بھی دی جاسکے گی ۔
چیرٹی کے تحت چلنے والوں اداروں کو تین سال کا بینک ٹرانزیکشن ریکارڈ پیش کرنے کی شرط سے بھی استثنی حاصل ہوگا ۔ چوبیس کنال سے زائد اور دو سو کنال سے کم اراضی کے حامل افراد کے لئے سپیشل ڈویلپمنٹ زون کی منظوری دے دی گئی ہے ۔
لینڈ یوز رولز میں عارضی کمرشل پر مکمل پابندی عائد کرنے کا قانون وضع کردیا گیا ہے جبکہ دوہزار چوبیس تک عارضی کمرشل کی حامل پراپرٹیز مثتنی ہوں گی ۔ وائس چئیرمین ایل ڈی اے ایس ایم عمران کا کہنا ہے کہ لینڈ یوز رولز میں شہریوں کا مسائل سے چھٹکارا ملے گا ۔
وائس چئیرمین کا کہنا ہے کہ رولز وضع ہونے سے قانون پر عملدرامد میں اضافہ ہوگا ۔ ایس ایم عمران کا کہنا ہے کہ کوشیش ہے کہ رولز شہریوں کی یکساں آسانی کے لئے وضع کریں ۔ رولز کے استعمال طریقہ کار وضع کرنے کے لئے کمیٹی بھی قائم کردی گئی ۔