سٹی 42 : پنجاب آرٹس کونسل کی جانب سے تمام تھیٹر ہالز کی مانیٹرنگ سخت کر دی گئی ۔ 

پنجاب آرٹس کونسل نے ای مانیٹرنگ کے ساتھ اپنے نمائندے بھی رکھ دئیے ہیں۔ 

کوئی تھیٹر بھی اگر غیر اخلاقی پرفارمنس کرے گا تو کارروائی ہو گی۔ 

یہ بھی یاد رہے کہ پنجاب آرٹس کونسل نے تمام تھیٹر ہالز میں نصب کیمروں تک براہِ راست رسائی حاصل کر لی ہے جس کے تحت اب تھیٹرز کی سرگرمیوں کی نگرانی مؤثر انداز میں کی جا سکے گی، اس مقصد کیلئے شہر کے تمام تھیٹر ہالز نے اپنے کیمروں کے کوڈز اور پاس ورڈز پکار کو فراہم کر دیئے ہیں۔ 

حکام کے مطابق یہ اقدام تھیٹر کلچر میں بہتری، قانون کی پاسداری اور عوامی شکایات کے ازالے کے لئے اٹھایا گیا ہے۔