سٹی42: پنجاب حکومت نے بیوہ خواتین کے لیے بیوہ کفالت کارڈ کی منظوری دے دی ہے، جس کے تحت بیوہ خواتین کو مالی معاونت فراہم کی جائے گی۔

 اس سکیم کے تحت ہر بیوہ کو ایک لاکھ روپے کی مدد دی جائے گی، جبکہ ایک بچے کی ماں کو اضافی 25 ہزار روپے اور زیادہ سے زیادہ دو بچوں کی کفالت پر 50 ہزار روپے فراہم کیے جائیں گے۔

محکمہ زکوٰۃ اس منصوبے کو رمضان سے قبل شروع کرے گا اور اس پر مجموعی طور پر 4 ارب روپے لاگت آئے گی۔ دیہی علاقوں کی زکوٰۃ کمیٹیاں بیوہ خواتین کے نام سکیم کے لیے ارسال کریں گی تاکہ وہ جلد از جلد مالی امداد حاصل کر سکیں۔