زاہد چوہدری: پنجاب حکومت نے نئے قائم شدہ ہیلتھ کیئر مراکز کیلئے کنٹریکٹ بنیادوں پر طبی عملے کی بھرتیوں کی منظوری دینے کا فیصلہ کر لیا۔
ذرائع کے مطابق سپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ کے سیکرٹری نے مختلف آسامیوں پر ہیلتھ کیئر پروفیشنلز کی بھرتی کیلئے اجازت طلب کر لی ہے۔
نئے قائم شدہ طبی مراکز میں ڈاکٹرز، نرسز، پیرا میڈیکل اور دیگر طبی عملے کی کمی کو پورا کیا جائے گا تاکہ عوام کو فوری اور بہتر طبی سہولیات فراہم کی جا سکیں۔
حکام کے مطابق بھرتیاں کنٹریکٹ بنیادوں پر کی جائیں گی جبکہ منصوبے کا مقصد نئے ہیلتھ کیئر اداروں کو فعال بنا کر مریضوں کو معیاری علاج کی سہولت دینا ہے۔
حکام کا کہنا ہے کہ شعبہ صحت میں افرادی قوت کی دستیابی سے سرکاری ہسپتالوں پر دباؤ کم کرنے میں بھی مدد ملے گی۔