سٹی 42 : حیدرآباد میں کوچ اور ٹرالر میں ہونے والے خوفناک تصادم کے نتیجے میں 3 افراد جاں بحق، جبکہ 20 زخمی ہوگئے ۔ 

حادثہ ایم نائن موٹروے تھانہ بولا خان کے قریب پیش آیا، جس کی اطلاع ملتے ہی ریسکیو ٹیم جائے وقوع پر پہنچی۔ 

ایدھی حکام کے مطابق حادثے کے نتیجے میں 3 افراد موقع پر جاں بحق ہوگئے، جبکہ 20 افراد زخمی ہوئے ہیں ۔ لاشوں اور زخمیوں کو ہسپتال منتقل کردیا گیا ۔ 

ایدھی حکام کا کہنا ہے کہ زخمیوں کو کوٹری تعلقہ ہسپتال اور سول ہسپتال حیدرآباد منتقل کیا گیا ہے ۔