(ویب ڈیسک) وزیراعلیٰ خیبر پختونخوا محمود خان نے کے پی کے اسمبلی کی تحلیل سے متعلق بڑا اعلان کردیا ہے۔
وزیراعلیٰ محمود خان نے سابق وزیراعظم عمران خان سے مشورے کے بعد ٹویٹر پر اہم بیان جاری کرتے ہوئے بتایا ہے کہ خیبرپختونخوا اسمبلی کی تحلیل کی سمری منگل کو گورنر کو بھیج دی جائے گی۔تحریک انصاف دو تہائی اکثریت سے دوبارہ حکومت میں آئے گی۔
قائد عمران خان کے حکم کے مطابق
— Mahmood Khan (@IMMahmoodKhan) January 15, 2023
خیبر پختونخوا اسمبلی کی تحلیل کیلئے سمری بروز منگل گورنر کو ارسال کردی جائے گی۔
انشاءاللہ تحریک انصاف دوتہائی اکثریت سے دوبارہ حکومت میں آئے گی۔
واضح رہے کہ پاکستان کے صوبے پنجاب میں صوبائی اسمبلی تحلیل ہونے کا عمل مکمل ہو گیا ہے۔ گورنر پنجاب بلیغ الرحمان نے وزیرِاعلیٰ پنجاب چودھری پرویز الٰہی کی طرف سے اسمبلی تحلیل کرنے کی سمری پر دستخط تو نہیں کیے تاہم انھوں نے اسمبلی کی تحلیل کے عمل کو روکنے کی کوئی کوشش بھی نہیں کی۔