سٹی 42 : شمالی وزیرستان کے ضلع میران شاہ میں دہشتگردوں کا بہادری سے مقابلہ کرتے ہوئے جامِ شہادت نوش کرنے والے لیفٹیننٹ محمد حسن اشرف شہید کی نماز جنازہ لاہور گیریژن میں ادا کر دی گئی ۔
نماز جنازہ میں وزیراعظم شہباز شریف نے شرکت کی، اس کے علاوہ وزیر دفاع ، وزیر اطلاعات، سینئر فوجی و سول حکام، شہید کے عزیز و اقارب نماز جنازہ میں شریک ہوئے ۔
وزیراعظم شہباز شریف نے لیفٹنٹ محمد حسن شہید کی بے مثال قربانی کو زبردست خراج عقیدت پیش کیا، کہا کہ لیفٹننٹ محمد حسن شہید کی بے مثال قربانی ہمارے بہادر بیٹوں کے غیر متزلزل عزم اور جذبے کی مثال ہے۔ انہوں نے کہاکہ ہمارے بہادر بیٹے ملکی سلامتی، دفاع اور خود مختاری کے لیے جانوں کا نظرانہ پیش کرتے ہیں، پوری قوم مسلح افواج کے ساتھ کندھے سے کندھا ملائے اظہار یکجہتی کرتی ہے ۔
21 سالہ لیفٹیننٹ محمد حسان شہید کو مکمل فوجی اعزاز کے ساتھ سپرد خاک کیا جائے گا ۔
سورس : آئی ایس پی آر