روزینہ علی : آج رات ملک کے بیشتر میدانی علاقوں میں موسم  گرم اور مرطوب رہے گا، خطہ پوٹھوہار سمیت شمال مشرقی   پنجاب، اسلام آباد، بالائی خیبر پختونخوا، میں چند مقامات پر  تیز ہواؤں اور گرج چمک کے ساتھ  بارش کا امکان  ہے .شمال مشرقی بلوچستان،گلگت بلتستان اور کشمیر  میں چند مقامات پر  تیز ہواؤں اور گرج چمک کے ساتھ  بارش کا امکان  ہے .

 محکمہ موسمیات کے مطابق بدھ  کے روز موسم اسلام آباد میں موسم گرم اور مرطوب   رہے گا، اسلام آباد میں صبح کے اوقات میں چند مقامات پر بارش کی توقع ہے ۔ خیبرپختونخوا کے بیشتر   اضلاع میں موسم گرم اور مرطوب رہے گا۔دیر،سوات،  ایبٹ آباد، مانسہرہ  ، بونیر اور کوہستان میں تیز ہواؤں  اور گرج چمک کے ساتھ بارش  ہو سکتی ہے۔ 

پنجاب کے بیشتر اضلاع میں موسم گرم اور مرطوب رہے گا۔مری ،گلیات،   راولپنڈی، جہلم ،چکوال،    سیالکوٹ، نارووال ، لاہور، گوجرانوالہ میں تیز ہواؤں اور گرج چمک کے ساتھ بارش ہو سکتی ہے۔بلوچستان کے بیشتر اضلاع میں موسم گرم اور مرطوب رہے گا۔ سندھ کے بیشتر اضلاع میں موسم گرم اور مرطوب  اور گرد آلود ہوائیں چلنے کا امکان ہے ۔

ساحلی علاقوں میں مطلع جزوی ابر آلود رہنے اور   بوندا باندی ہلکی بارش کی بھی توقع ہے  اور  کشمیر اور گلگت بلتستان  میں تیز ہواؤں اور گرج چمک کےساتھ بارش   کا امکان ہے ۔