سٹی 42 : دن بھر کی شدید گرمی کے بعد شام ہوتے ہی شہر میں ٹھنڈی ہوائیں چل پڑیں۔ 

ٹھنڈی ہواؤں کے بعد شہر میں  گرمی کی شدت میں بھی کمی آگئی۔ شہر میں رات کے وقت میں ہلکی بارش کا بھی امکان ظاہر کیا گیا ہے۔ 

محکمہ موسمیات کا کہنا ہے کہ رواں ہفتے دن کے اوقات میں گرمی کی شدت میں اضافے کا امکان ہے، رواں ہفتے شہر کا پارہ 40 سے 42 ڈگری سینٹی گریڈ تک جاسکتا ہے۔ 

موجودہ درجہ حرارت 37 ڈگری سینٹی گریڈ ریکارڈ کیا گیا ہے، ہوا میں نمی کا تناسب 31 فیصد ہے، شہر میں ہوائیں 11 کلو میٹر فی گھنٹہ کی رفتار سے چل رہی ہیں، آج زیادہ سے زیادہ درجہ حرارت 39 ڈگری سینٹی گریڈ ریکارڈ کیا گیا، کم سے کم درجہ حرارت 26 ڈگری سینٹی گریڈ تک رہنے کا امکان ہے۔