جنید ریاض :مریم نواز سنٹر آف ایکسیلنس فار آٹزم ٹاؤن گرین ٹاؤن میں مختلف آسامیوں پر بھاری تنخواہوں کے ساتھ بھرتیوں کا عمل شروع کر دیا گیا ہے۔

 ذرائع کے مطابق ادارے میں پرنسپل کو 15 لاکھ روپے ماہانہ جبکہ دو وائس پرنسپلز کو 10،10 لاکھ روپے ماہانہ تنخواہ پر رکھنے کی تجویز ہے۔

اسی طرح ڈویلپمنٹ بی ہیویئر آفیسر کو 2 لاکھ 85 ہزار روپے ماہانہ تنخواہ دی جائے گی۔ اس کے علاوہ دو چارج نرسز، دو لائف اسکلز کوچز اور دو سنسری انٹیگریشن اسپیشلسٹس کو ایک، ایک لاکھ روپے ماہانہ تنخواہ مقرر کی گئی ہے۔

ادارے میں ڈرائیور، کک، کنڈیکٹر، ہاؤس کیپنگ اسٹاف، سکیورٹی گارڈز اور دیگر عملے کی تنخواہیں بھی ہزاروں روپے میں رکھی گئی ہیں۔

محکمہ سپیشل ایجوکیشن کے مطابق بھرتیوں کے لیے ہزاروں امیدواروں نے درخواستیں جمع کروا دی ہیں۔ درخواستوں کی سکروٹنی کے بعد شارٹ لسٹ کیے گئے امیدواروں کے انٹرویوز کیے جائیں گے۔