ویب ڈیسک: جامشورو کے علاقے سیہون کے قریب انڈس ہائی وے روڈ پر 2 کاروں میں تصادم سے 5 افراد جاں بحق اور 6 زخمی ہوگئے۔
ریسکیو حکام نے زخمی اورجاں بحق افراد کی لاشیں مانجھند اسپتال منتقل کردی ہیں، مسافر کار سیہون سے حیدرآباد کی طرف جارہی تھی، حادثہ غلط ڈرائیونگ کے باعث پیش آیا۔
وزیراعلیٰ سندھ سید مراد علی شاہ نے انڈس ہائی وے حادثے پر افسوس کا اظہار کرتے ہوئے کہا کہ انتظامیہ کو زخمیوں کا بہترین علاج کرانے کی ہدایت کی ہے، جاں بحق ہونے والے افراد کے خاندانوں کی ہر ممکن مدد کی جائے۔
وزیراعلیٰ سندھ نے عوام سے اپیل کی کہ ڈرائیونگ کے اصولوں پر عمل کیا جائے اور تیز رفتاری سے گریز کریں۔