سٹی42: وفاقی عدالتوں کے ملازمین نے اپنے مطالبات کے حق میں 4 روز سے جاری دھرنا ختم کرنے کا اعلان کر دیا۔

ملازمین نے کہا کہ ان کا دھرنا اور احتجاج کامیاب رہا اور امید ظاہر کی کہ اب ان کے جوڈیشل الاؤنسز بحال کر دیے جائیں گے۔

احتجاج ختم ہونے کے بعد نیب کورٹس، اسپیشل سنٹرل کورٹ اور بینکنگ کورٹس کی تالہ بندی ختم کر دی گئی جبکہ عدالتوں میں کیسز کی سماعت معمول کے مطابق شروع ہو گئی۔

دھرنے کے دوران ملازمین نے لاہور کی بینکنگ کورٹس کے احاطے میں احتجاجی مظاہرہ کیا، جس میں وکلاء کے نمائندوں نے بھی شرکت کی اور ملازمین سے یکجہتی کا اظہار کیا۔