لیسکو میں کنٹریکٹ اور ڈیلی ویجز ملازمین کو مستقل کرنے کا معاملہ لٹک گیا

لیسکو میں کنٹریکٹ اور ڈیلی ویجز ملازمین کو مستقل کرنے کا معاملہ لٹک گیا


شاہد ندیم : لیسکو میں کنٹریکٹ اور ڈیلی ویجز ملازمین کو مستقل کرنے کا معاملہ حل نہ ہو سکا،واپڈا ہائیڈرو یونین نے ملازمین کو ریگولر کرنے کے لئے لیسکو چیف کو خط ارسال کر دیا۔

یہ بھی لازمی پڑھیں:بولو لاہور 19نومبر 2018   

تفصیلات کے مطابق آل پاکستان واپڈا ہائیڈرو یونین نے لیسکو چیف مجاہد پرویز چٹھہ کو خط ارسال کر دیا ہے۔ خط یونین کے جنرل سیکرٹری خورشید احمد نےبھیجاہے۔ جس کےمتن کے مطابق کمپنی کے کنٹریکٹ اور ڈیلی ویجز ملازمین کو ریگولر کیا جائے۔کیونکہ کنٹریکٹ پر تعینات ملازمین دو سال جبکہ ڈیلی ویجز ملازمین 3 سالہ مدت ملازمت مکمل کر چکے ہیں۔

یہ بھی ضرور پڑھیں:’’تجھے سب ہے پتہ میری ماں‘‘ 

 واضح رہے کہ نجکاری کمیشن نے کنٹریکٹ ملازمین کو ریگولر پر پابندی عائد کر رکھی ہے۔نجکاری کمیشن کی سفارش پر پیپکو نے مستقل نہ کرنے کا نوٹیفکیشن بھی جاری کیا تھا۔ لیسکو میں 4 ہزار سے زائد ملازمین کنٹریکٹ اور ڈیلی ویجز پر تعینات ہیں۔