سٹی42: حکومت نے خلیج اور یورپ میں ہنر مند نوجوانوں کے لیے بیرونِ ملک روزگار کے مواقع بڑھانے کے لیے نیا منصوبہ شروع کر دیا ہے۔
اس کے تحت ٹیوٹا اور پی وی ٹی سی کو اوورسیز ایمپلائمنٹ پروموٹر (OEP) لائسنس جاری کیا گیا، جبکہ پی ایس ڈی ایف کو بھی یہ لائسنس دیا گیا ہے۔
اس منصوبے کے تحت نوجوانوں کو نجی ایجنٹوں کے بجائے براہِ راست بین الاقوامی آجرین سے جوڑا جائے گا اور تمام پلیسمنٹ سرکاری نگرانی میں شفاف طریقے سے کی جائے گی۔ پرواز سے پہلے نوجوانوں کی مہارت کی تصدیق اور مالی معاونت بھی فراہم کی جائے گی۔