سٹی 42:پاکستان کے اداکار شوبز سے بیزار ہو  کر دین کی طرف لوٹ رہے ہیں،حال ہی میں ڈرامہ سیریل ’’ خانی‘‘ سے شہرت پانیوالے فیروزخان نے شوبز کو خیر باد کہہ دیا تھا، فیروز خان نے وہی راستہ اپنایا ہے جو حمزہ عباسی نے اختیار کیا تھا۔ فیرو ز خان سے پہلے گلوکارہ رابی پیر زادہ بھی مذہبی زندگی اختیار کرچکی ہیں اور وہ اپنے یوٹیوب چینل پر مذہبی لیکچر دیتی پائی جاتی ہیں۔

اداکار فیروز خان نے شوبز کو خیرباد کہنے کے بعد اپنی آگے کی منصوبہ بندی کے حوالے سے یوٹیوب چینل لانچ کرنے کا اشارہ دیا ہے۔ حمزہ علی عباسی نے بھی  اپنا یوٹیوب چینل لانچ کیا جس کے بارے میں انہوں نے کہا  کہ وہ اس چینل پر لوگوں کو اسلامی تعلیمات دیں گے۔

- guess who’s dropping a YouTube channel soon ? ????????

— Feroze Khan (@ferozekhaan) April 11, 2020

گزشتہ ماہ فیروز خان نے  ٹوئٹر پر کہا تھا کہ میں شوبز چھوڑنے کا اعلان کرتا ہوں اور اب سے میں اس پلیٹ فارم کو اسلام کی  تعلیم کے پھیلاؤ کے لیے استعمال کروں گا۔

You might be
A channel for motivation
Islamic motivation

— i'mobi (@mu_n3_3b) April 12, 2020

اس اعلان کے بعد فیروز خان نے گزشتہ روز ٹوئٹر پر یوٹیوب چینل کے حوالے سے اشارہ دیا۔ ان کے اس ٹوئٹ پر صارفین نے ردعمل دیتے ہوئے انہیں دوسرا حمزہ علی عباسی قرار دیا۔ تاہم فیروز خان کے اس ٹوئٹ پر قومی کرکٹر شعیب ملک نے ان کے لیے نیک تمناؤں کا اظہار کیا۔

 
جب کہ بہت سے صارفین نے اندازے لگاتے ہوئے کہا کہ فیروز خان اپنے یوٹیوب چینل پر اسلامی تعلیمات کے بارے میں بات کریں گے۔منیب نامی شخص نے فیروز خان کو دوسرا حمزہ علی عباسی قرار دیتے ہوئے کہا اندازہ لگائیں کون ہمیں ملحد سے اسلام تک بتائے گا۔

 
بہت سے لوگوں نے فیروز خان کی اس ٹوئٹ پر خوشی کا اظہار کرتے ہوئے کہا کہ وہ ان کے یوٹیوب چینل کے بے چینی سے منتظر ہیں جب کہ کچھ لوگوں نے تنقید کرتے ہوئے کہا اندازہ لگائیں یوٹیوب سے پیسے کون کمائے گا۔