(سٹی42) معروف ٹی وی اداکار عدنان صدیقی نے انسٹاگرام پر ایک بچے کی ویڈیو شیئر کی ہے، جو قومی ترانہ پڑھ رہا ہے۔
ویڈیو کے ساتھ انہوں نے لکھا ہے کہ یہ بچہ میرا پوتا ہے، ہاں میری عمر زیادہ ہے ، یہ بچہ میرے بھتیجے کا بیٹا ہے، قومی ترانہ پڑھنے کے دوران بچے کی زبان سے کچھ الفاظ کی صحیح ادائیگی نہیں ہو پارہی لیکن اس کے جذبات اور قومی ترانے کی طرز بالکل درست ہے۔ جس پر اسے پورے نمبر ملنے چاہئیں۔
عدنان صدیقی نے بچے کی غلطیوں کی نشاندہی کرتے ہوئے مزید کہا کہ بچے نے قومی ترانے میں ' اندھا پاکستان' اور 'استغفار' کہا ہے جس میں بہر حال یہ پیغام چھپا ہے کہ ہمیں اپنی آنکھیں کھولنے اور اعمال کو درست کرنے کے ساتھ اللہ سے معافی مانگنی چاہیے۔
View this post on Instagram
عدنان صدیقی نے مزید کہا کہ دادا دادی بھی بچوں کے لیے ایک نعمت ہوتے ہیں، اپنے دادا دادی اور نانا نانی کی سائے میں پلنے والے بچے بہت خوش قسمت ہوتے ہیں، اگر وہ اپنے پوتے پوتیوں سے بہت لاڈ پیار کرتے ہیں تو وہ انہیں نظم و ضبط کا پابند اور معاشرتی اقدار سے روشناس بھی کراتے ہیں، ایسے بچے اخلاقیات، زندگی کے انمول اسباق اور غیر مشروط محبت میں پروان چڑھتے ہیں، یہی چیزیں اچھی پرورش کی بنیاد ہوتی ہیں۔