قیصر کھوکھر : پنجاب پبلک سروس کمیشن کااکیڈمک نمبر حتمی میرٹ سے ختم کرنے کا فیصلہ، مختلف حلقوں کی جانب سےفیصلے کی بھرپور پذیرائی، اس فیصلے کو کمیشن کے تاریخ ساز اور اصلاحاتی اقدامات میں سے ایک قرار دیا جا رہا ہے۔

سابق ممبرانِ پنجاب پبلک سروس کمیشن، سینئر سول سرونٹس، معروف ڈاکٹروں اور پروفیسروں نے کمیشن کے اس فیصلے کو میرٹ اور شفافیت کے فروغ کی جانب ایک مثبت اور جرات مندانہ قدم قرار دیا ہے۔فیڈبیک میں مختلف شخصیات نے کہا کہ یہ اقدام نہ صرف مختلف تعلیمی نظاموں اور گریڈنگ کے فرق کو کم کرے گا بلکہ امیدواروں کی اصل قابلیت اور امتحانی کارکردگی کی بنیاد پر میرٹ طے کرنے میں مددگار ثابت ہوگا۔ اصلاحاتی اقدامات یکم جنوری 2026 سے نافذالعمل ہوں گے، جن کے تحت میرٹ کا تعین صرف تحریری امتحان اور انٹرویو کی بنیاد پر کیا جائے گا۔