ویب ڈیسک:  آج رات کے موسم کی صورتحال کے حوالے سے محکمہ موسمیات کا کہنا ہے کہ کشمیر،  خطہ پوٹھوہار اور  شمال مشرقی پنجاب  میں آندھی تیز ہواؤں اورگرج چمک کے ساتھ بارش  کا امکان ہے۔ 

جمعرات  کے روز موسم کی صورتحال کے متعلق محکمہ موسمیات کا کہنا ہے کہ اسلام آباد میں آندھی تیز ہواؤں اورگرج چمک کے ساتھ بارش  کی توقع ہے، خیبرپختونخوا کے بیشتر اضلاع میں موسم گرم اور مرطوب رہے گا، جبکہ دیر، سوات، شانگلہ، بونیر،ایبٹ آباد ، مانسہرہ، ہری پور، میں  آندھی تیز ہواؤں  اور گرج چمک کے ساتھ بارش  ہوسکتی ہے۔

محکمہ موسمیات کے مطابق پنجاب کے بیشتر اضلاع میں موسم گرم اور مرطوب رہے گا، جبکہ  سیالکوٹ، نارووال، لاہور،حافظ آباد، قصور ،شیخوپورہ  اور گوجرانوالہ میں آندھی تیز ہواؤں اورگرج چمک کے ساتھ بارش  کا امکان ہے۔ مری، گلیات،راولپنڈی، اٹک، چکوال، منڈی بہاوالدین، جہلم، گجرات،میں آندھی تیز ہواؤں اورگرج چمک کے ساتھ بارش  کا امکان ہے۔