سٹی 42 : نائب وزیرِاعظم اسحاق ڈار نے آج شام ترکیہ کے وزیرِ خارجہ حکان فیدان سے گفتگو کی۔ 

ترجمان دفتر خارجہ کے مطابق نائب وزیرِاعظم نے ‘اسلام آباد مذاکرات’ سے متعلق پیش رفت سے آگاہ کیا ۔ انہوں نے زور دیا کہ تمام فریقین جنگ بندی کے وعدوں کی پاسداری کریں۔ 

وزیرِ خارجہ حکان فیدان نے ایران اور امریکہ کے درمیان مذاکرات میں سہولت کاری کے حوالے سے پاکستان کے کردار کو سراہا۔ دونوں راہنماؤں نے اس عزم کا اعادہ کیا کہ مکالمے کو جاری رکھنے اور خطے و اس سے آگے امن و استحکام کے فروغ کے لیے تمام سفارتی کوششوں کی حمایت جاری رکھی جائے گی۔ 

ترکیہ وزیرِ خارجہ حکان فیدان نے اناطالیہ ڈپلومیسی فورم میں شرکت کے لیے نائب وزیرِاعظم کو دعوت بھی دی۔