ویب ڈیسک: انڈونیشیا کی جانب سے فحش مواد کی اشاعت کے خدشات کے پیشِ نظر اے آئی چیٹ بوٹ گروک کی سروس پر پابندی عائد کردی گئی۔
انڈونیشیا کی حکومت نے ایلون مسک کے اے آئی چیٹ بوٹ گروک پر عارضی پابندی عائد کردی ہے۔ اس حوالے سے انڈونیشیا کی وزارت مواصلات نے کہا ہے کہ اس اقدام کی وجہ پلیٹ فارم پراے آئی کی مدد سے فحش مواد کی تیاری اور پھیلاؤ کا خطرہ ہے، وزارت نے اس معاملے پر بات کرنے کیلئے ایکس حکام کو بھی طلب کیا، انڈونیشیا میں آن لائن فحش مواد کے خلاف سخت قوانین نافذ ہیں۔
یاد رہے کہ انڈونیشیا دنیا کی سب سے بڑی مسلم آبادی والا ملک ہے اور یہاں آن لائن فحش مواد پر سخت قوانین ہیں جس کی وجہ سے حکومت نے ایکشن لیتے ہوئے اے آئی چیٹ بوٹ گروپ پر پابندی عائد کردی ۔