ویب ڈیسک:موبائل فون کی بیٹری سردی کے موسم میں جلدی ختم ہو جاتی ہے، کم درجہ حرارت بیٹری کے اندر کیمیائی عمل کو سست اور بیٹری کی صلاحیت کو کم کر دیتا ہے۔
یہ مسئلہ تقریباً تمام سمارٹ فونز اور الیکٹرانک آلات میں دیکھا جاتا ہے۔
اس سے بچنے کے لیے اپنے فون کو ٹھنڈی ہوا سے دور رکھیں، کور کا استعمال کریں اور اسے باقاعدگی سے چارج کریں، آئیے معلوم کریں کہ آپ اور کیا کر سکتے ہیں۔
اگر آپ چاہتے ہیں کہ سردی کے موسم میں آپ کے فون کی بیٹری جلد ڈسچارج نہ ہوتواسے شدید سردی میں ایکسپوز ہونے سے بچائیں۔
باہر جانے پر اپنے فون کو جیب یا کور میں رکھیں، ٹھنڈی ہوا براہ راست بیٹری کو نقصان پہنچاتی ہے۔
سردیوں میں فون کی بیٹریاں کمزور ہو جاتی ہیں، کم بیٹری کے ساتھ آپ کے فون کا استعمال اس کے اچانک بند ہونے کا سبب بن سکتا ہے۔
ماہرین کے مطابق سردی میں فون کی بیٹری 20 فیصد سے کم ہو، باقاعدگی سے چارج کرنے سے بیٹری کی لائف کو برقرار رکھنے اور فون کی مناسب کارکردگی کو یقینی بنانے میں مدد ملتی ہے۔
سردیوں میں بیٹری کوجلدی ختم ہونے سے روکنے کے لیے، پاور سیونگ موڈ استعمال کرنا اچھا آپشن ہے ۔
اس سے بیک گراؤنڈ ایپس بند ہوجاتی ہیں اور اسکرین کی چمک کم ہوجاتی ہے، بجلی کی کھپت کو کم کرنے کے نتیجے میں بیٹری دیر تک چلتی ہے۔