سٹی 42:نیشنل اسٹیڈیم کی تعمیر میں حصہ لینے والے مزدوروں کے لئے محسن نقوی کی جانب سے پُرتکلف دعوت کا اہتمام کیا گیا
چیئرمین پی سی بی محسن نقوی مزدوروں کی دعوت میں خصوصی شریک ہوئے ، مزدوروں کی پلاؤ ، بیف قورمہ، چکن تکہ، کولڈرنک اور میٹھے سے تواضع کی گئی ، ۔700 ورکرز نے نیشنل اسٹیڈیم کے تعمیراتی کام میں حصہ لیا تھا،محسن نقوی کا نئی تعمیر ہونیوالی بلڈنگ میں چیئرمین باکس میں انتظامات کا جائزہ لیا،
نیشنل سٹیڈیم،چئیر مین پی سی بی محسن نقوی کی مزدوروں سے غیر رسمی گفتگو کرتے ہوئے دعوت میں شریک مزدوروں سےچیئرمین پی سی بی نے میچ کی مفت ٹکٹیں دینے کا وعدہ کرلیا ،محسن نقوی نے ٹیبل ٹو ٹیبل جاکر مزدوروں سے ملاقات کی،محسن نقوی نے مزدوروں سے مصافحہ کیا اور گفتگو بھی کی
چیئرمین پی سی بی محسن نقوی کا کہنا تھا کہ نیشنل اسٹیڈیم کا معیار لاہور سے بہتر بنایا گیا ہے، کراچی کانیشنل اسٹیڈیم کا کام 4 ماہ کی قلیل مدت میں ختم کیا گیا، منصوبے کی تیز ترین تکمیل پر تمام ادارے مبارکباد کے مستحق ہیں،نیشنل اسٹیڈیم کے ہیروز مزدور ہیں، بنا چھٹی مسلسل کام کیا، نیشنل اسٹیڈیم کا ویو قذافی اسٹیڈیم سے بہتر ہے،لاہور میں مزدوروں کو میچ کے ٹکٹس دیئے تھے ،لاہور کی کمپنی نے ٹکٹس مزدوروں کے بجائے اپنے رشتہ داروں کو دے دیئے ، کراچی کے مزدوروں کے ساتھ ایسا نہیں ہونے دینگے،آپ لوگوں نے اپنے ٹکٹس اپنی کمپنی سے خود وصول کرنے ہیں
