ویب ڈیسک: ایک گمنام پاکستانی شہری نے ترکی اور شام کے زلزلے سے متاثر ہونے والے لوگوں کی مدد کے لیے 30 ملین ڈالر کا عطیہ دیا۔
تفصیلات کے مطابق ایک پاکستانی نژاد امریکی نے امریکا کے ترک سفارت خانے میں جاکر اپنا نام ظاہر کیے بغیر زلزلے سے متاثر ہونے والوں کیلئے 30 ملین ڈالر کی رقم جمع کروا دی۔ نامعلوم پاکستانی کے اس قدم کو بہت سے لوگوں نے سراہا ہے جس نے مشکل وقت میں انسانیت کا مظاہرہ کرتے ہوئے متاثرہ لوگوں کی مدد کی۔
Pakistani, the most generous people in the world. pic.twitter.com/s87q5PLEsy
— Suleman Raza MBE (@iamsulemanraza) February 11, 2023
وزیر اعظم شہباز شریف نے اس نامعلوم پاکستانی کے مثبت اقدام کو بے حد سراہا۔شہباز شریف نے ٹویٹ کرتے ہوئے کہا کہ ایک گمنام پاکستانی کی مثال دیکھ کر دل بہت متاثر ہوا جو امریکہ میں ترکی کے سفارت خانے میں گیا اور ترکی اور شام میں زلزلہ متاثرین کے لیے 30 ملین ڈالر کا عطیہ دیا۔یہ ایسے شاندار کام ہیں جو دوستی اور انسانیت کو ظاہر کرتے ہیں، بلکہ ہر طرح کی مشکلات پر فتح حاصل کرنے کے قابل بناتے ہیں۔
Deeply moved by the example of an anonymous Pakistani who walked into Turkish embassy in the US & donated $30 million for earthquake victims in Türkiye & Syria. These are such glorious acts of philanthropy that enable humanity to triumph over the seemingly insurmountable odds.
— Shehbaz Sharif (@CMShehbaz) February 11, 2023
واضح رہے کہ قیامت خیز زلزلے میں اب تک 24000 افراد جان کی بازی ہار چکے ہیں، جبکہ زلزلے سے ہونے والی تباہی کے باعث 800,000 افراد بے گھر ہو چکے ہیں۔ اقوام متحدہ کی جانب سے ترکی اور شام کے متاثرہ لوگوں کو خوراک کی فراہمی کے لیے 70 ملین ڈالر کی اپیل کی گئی ہے۔