قیصر کھوکھر : پنجاب پبلک سروس کمیشن نے مختلف محکموں میں بھرتی کیلئے تحریری وحتمی نتائج جاری کردیئے،محکمہ صحت، لٹریسی اینڈ نان فارمل ایجوکیشن میں بھرتی کی جانی ہے، محکمہ لیبر، ایس اینڈ جی اے ڈی کی آسامیاں بھی پُرکرنا ہیں۔

پنجاب پبلک سروس کمیشن نے پنجاب حکومت کی مختلف اسامیوں کےتحریری اور حتمی نتائج کا اعلان کر دیا ہے۔ کمیشن کے ترجمان کے مطابق پرائمری اینڈ سیکنڈری ہیلتھ کیئر ڈیپارٹمنٹ کے ڈائریکٹوریٹ آف ڈرگ کنٹرول میں اینالٹیکل کیمسٹ کی 15 اسامیوں کیلئے 66 امیدواروں کامیاب ہوئے۔ ڈائریکٹوریٹ جنرل لٹریسی اینڈ نان فارمل بیسک ایجوکیشن میں پرسنل اسسٹنٹ کی ایک آسامی کیلئےانگلش شارٹ ہینڈ ٹیسٹ کے بعد 2 امیدواروں کو ٹائپنگ و پروفیشنسی ٹیسٹ کیلئے اہل قرار دیا گیا ہے۔اسی طرح محکمہ ہاوسنگ میں سول انجینئر کیلئے 15 امیدوار، پنجاب ہاوسنگ اینڈ ٹاون پلاننگ کیلئے 32 امیدوار،ایل ڈی اے میں سول انجینئر کیلئے 30 امیدوار کامیاب قرار پائے۔ڈائریکٹوریٹ جنرل پروٹوکول، ایس اینڈ جی اے ڈی میں جونیئر اکاؤنٹنٹ کی ایک آسامی کیلئے 5 امیدواروں کو تحریری امتحان میں کامیاب قرار دیا گیا ہے۔