سٹی42ؔ:  لاہور کے صنعتی علاقے سندر انڈسٹریل اسٹیٹ میں ایک بھارتی ڈرون گرنے کی اطلاع موصول ہوئی ہے۔  ڈرون ایک خالی پلاٹ میں گرا جس کے باعث کوئی جانی نقصان نہیں ہوا۔

ذرائع کے مطابق حساس اداروں نے واقعے کے بعد فوری طور پر متاثرہ علاقے کو سیل کر دیا اور شواہد اکٹھے کرنے کا عمل شروع کر دیا ہے۔

 ذرائع کا کہنا ہے کہ ڈرون کی نوعیت اور اس کے مقصد کا جائزہ لیا جا رہا ہے۔

واقعے کی حساس نوعیت کے پیش نظر سیکیورٹی الرٹ جاری کر دیا گیا ہے اور علاقے میں سیکیورٹی مزید سخت کر دی گئی ہے۔