روزینہ علی : آج رات کے موسم کی صورتحال کے حوالے سے محکمہ موسمیات کاکہنا ہے کہ ملک کے بیشتر علاقوں میں موسم گرم اور مرطوب رہے گا۔ کشمیر، گلگت بلتستان اور بالائی خیبر پختونخوا میں تیز ہواؤں اورگرج چمک کے ساتھ بارش متوقع ہے۔
منگل کے روز موسم کی صورتحال کے متعلق محکمہ موسمیات کا کہنا ہے کہ اسلام آباد میں موسم گرم اور مرطوب رہے گا، جبکہخیبرپختونخوا کے بالائی اضلاع میں مطلع جزوی ابرآلود رہنے کی توقع ہے۔
محکمہ موسمیات کے مطابق پنجاب کے بیشتر اضلا ع میں موسم گرم اور مرطوب رہے گا، جبکہ سوات، کوہستان، مانسہرہ، ایبٹ آباد، بالاکوٹ اورشانگلہ میں چند مقامات پر تیز ہواؤں اور گرج چمک کے ساتھ بارش کا امکان ہے۔ شام یا رات میں مری، گلیات اور گردونواح میں تیز ہواؤں اورگرج چمک کے ساتھ بارش ہو سکتی ہے۔
محکمہ موسمیات کاکہنا ہے کہ بلوچستان کے بیشتر اضلاع میں موسم گرم اور مرطوب رہے گا، سندھ کےبیشتر اضلاع میں موسم گرم اور مرطوب رہے گا، کشمیر اورگلگت بلتستان میں مطلع جزوی ابرآلود رہنے گرج چمک کےساتھ بارش کا امکان ہے۔