انگلینڈ میں غیر قانونی قرار دی گئی تنظیم کے حامیوں کے لندن میں احتجاج کے دوران پولیس نے 356 مظاہرین کو گرفتار کرلیا۔
لندن میں پارلیمنٹ اسکوائرپر "فلسطین ایکشن" کے حامیوں نے احتجاج کیا جس پر پولیس نے 365 حامیوں کو گرفتار کرلیا جن میں خواتین بھی شامل ہیں۔
گزشتہ ماہ 5 تاریخ کو فلسطین ایکشن پر پابندی لگنے کے بعد اس گروپ کا یہ پہلا مظاہرہ تھا۔
مظاہرین نے ہاتھوں میں پلے کارڈ اٹھا رکھے تھے جن پر غزہ میں جینوسائید کے خلاف نعرے درج تھے۔
مظاہرے کے آرگنائزر کے مطابق احتجاج میں 600 سے 700 افراد شریک ہوئے تاہم پولیس کی جانب سے اتنی تعداد میں مظاہرین کی شمولیت کی تردید کی گئی ہے۔
انگلینڈ میں فلسطین ایکشن پر 5 جولائی 2025 سے ٹیررازم ایکٹ کے تحت پابندی لگائی جا چکی ہے اور قانون کے تحت اب اس گروہ کی رکنیت رکھنے یا حمایت کرنےپر 14 سال قید تک ہو سکتی ہے۔
فلسطین ایکشن 2020 میں قائم ہونے والا برطانیہ میں قائم فلسطینیوں کا حامی گروپ ہے جو خود کو ڈائریکٹ ایکشن گروپ کہتا ہے۔ یہ گروپ انگلینڈ کی ڈیفینس انڈسٹری کو نشانہ بناتا ہے—جن میں ایلبٹ سسٹمز، تھیلس، اور لیونارڈو جیسی کمپنیاں شامل ہیں—اسرائیل کی فوجی کارروائیوں میں برطانیہ کی شمولیت کی مخالفت کرنے کے لیے یہ عام احتجاجوں سے آگے بڑھ کر توڑ پھوڑ بھی کرتا رہا ہے۔
جون 2025 میں، فلسطین ایکشن کے کارکنوں نے رائل ایئر فورس کے ایک بڑے اڈے RAF برائز نورٹن میں گھس کر توڑ پھوڑ کی اور دو ایئربس وائجر ایندھن بھرنے والے طیاروں کی توڑ پھوڑ کی — ان کے انجنوں میں سرخ پینٹ کا چھڑکاؤ کر دیا جس سے 7 ملین پاؤنڈ کا نقصان ہوا۔
دہشتگرد تنظیم قرار دینے کا اقدام
رائل ائیرفورس کی بیس پر حملے کے ردعمل بعد ہوم سکریٹری یویٹ کوپر نے یو کے ٹیررازم ایکٹ 2000 کے تحت فلسطین ایکشن کو دہشت گرد تنظیم کے طور پر کالعدم قرار دینے کے لیے قانونی عمل شروع کیا۔ اس اقدام کی پارلیمنٹ (ہاؤس آف کامنز: 385-26) اور ہاؤس آف لارڈز نے منظوری دی، اور 5 جولائی 2025 سے نافذ العمل ہوا۔
ایکٹ کے تحت پابندی عائد کیے جانے کا مطلب یہ ہے کہ اب فلسطین ایکشن کی کسی بھی معاون سرگرمی میں شامل ہونا — جیسے کہ رکنیت، فنڈنگ، علامتیں ظاہر کرنا، گروپ کی وکالت کرنا، یا احتجاج میں شرکت کرنا —اس پر 14 سال تک قید کی سزا ہو سکتی ہے۔ یہاں تک کہ گروپ کے نام کے ساتھ اشیاء پہننے پر چھ ماہ تک قید کی سزا ہو سکتی ہے۔
ایمنسٹی انٹرنیشنل یوکے، بعض ماہرین تعلیم اور اقوام متحدہ کے ماہرین سمیت بعض ناقدین کا کہنا ہے کہ فلسطین ایکشن گروپ پر لگائی گئی پابندی حد سے زیادہ ہے۔ انہوں نے نشاندہی کی کہ فلسطین ایکشن کے اقدامات بنیادی طور پر املاک کو نقصان پہنچاتے ہیں، لوگوں کو نہیں، اور انہیں دہشت گرد قرار دینا آزادی اظہار، انجمن اور پرامن احتجاج کے لیے خطرہ ہے۔
بڑے پیمانے پر گرفتاریاں
آج لندن مین ہونے والا احتجاج اس گروپ کا پابندی لگنے کے بعد پہلا بڑا پروٹیسٹ تھا۔
پابندی کے بعد سے، اس گروپ کی سینکڑوں گرفتاریاں محض حمایت کے اظہار کے سبب کی گئی ہیں — جیسے کہ پلے کارڈز اٹھانا یا مظاہروں میں شرکت کرنا ۔ آج ہونے والی گرفتاریاں ایک دن میں ہونے والی سب سے زیادہ گرفتاریاں تھیں۔