روزینہ علی: آج رات کے موسم کی صورتحال کے حوالے سے محکمہ موسمیات کا کہنا ہے کہ بالائی خیبر پختونخوا، گلگت بلتستان،کشمیر، اسلام آباد ،خطہ پوٹھوہار اور شمال مشرقی پنجاب میں تیز ہواؤں اور گرج چمک کے ساتھ بارش کا امکان ہے، ملک کے دیگر علاقو ں میں موسم خشک ہی رہے گا۔
تفصیلات کے مطابق منگل کے روزموسم کی صورتحال کے متعلق محکمہ موسمیات کا کہنا ہے کہ ملک کے بیشترعلاقو ں میں موسم خشک رہے گا، تاہم کشمیر،گلگت بلتستان اور ملحقہ علاقوں میں مطلع جزوی ابر آلود رہنے کے علاوہ چند مقا مات پر بارش کی توقع ہے۔
محکمہ موسمیات کے مطابق اسلام آباد میں موسم خشک رہے گا، جبکہ خیبرپختونخوا کے بیشتر اضلاع میں بھی موسم خشک رہے گا۔ اس کے علاوہ پنجاب کے بیشتر اضلاع میں موسم خشک رہے گا، تاہم صبح کے اوقات میں ناروال، سیال کوٹ اورگردو نواح میں بارش ہو سکتی ہے۔
محکمہ موسمیات کا کہنا ہے کہ بلوچستان کے بیشتر اضلاع میں موسم خشک جبکہ جنوبی اضلاع میں دن کے دوران گرم رہے گا۔سندھ کے بیشتر اضلاع میں موسم خشک اور دن کے دوران گرم رہے گا، جبکہ کشمیر اور گلگت بلتستان میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش ہو سکتی ہے۔