ویب ڈیسک: وزیر داخلہ محسن نقوی سے امریکہ کی قائم مقام سفیر نیٹلی بیکر نے 48 گھنٹوں کے دوران دوسری اہم ملاقات کی جس میں پاک بھارت کشیدگی اور سرحدی صورتحال پر تفصیلی تبادلہ خیال کیا گیا۔

اس ملاقات کے دوران وزیر داخلہ نے امریکی سفیر کو موجودہ صورتحال اور بھارت کی جانب سے ہونے والی ڈرونز دہشت گردی پر بریفنگ دی۔ محسن نقوی نے واضح کیا کہ بھارت نے بین الاقوامی قوانین کی کھلی خلاف ورزی کرتے ہوئے شہری آبادی کو نشانہ بنانے کی کوشش کی، جس پر پاکستان نے مؤثر دفاعی حکمت عملی کے تحت درجنوں ڈرونز مار گرائے۔

وزیر داخلہ کا کہنا تھا ک خطے میں پیدا ہونے والی اس خطرناک صورتحال کا تمام تر ذمہ دار بھارت ہے، جو جان بوجھ کر حالات کو کشیدگی کی طرف دھکیل رہا ہے۔ اس وقت پورا خطہ جنگ کے دہانے پر کھڑا ہے مگر پاکستان اپنی قومی سلامتی پر کوئی سمجھوتہ نہیں کرے گا۔