ویب ڈیسک:  ٹک ٹاک کی مدر کمپنی امریکا میں پابندیوں سے بچنے کی کوشش میں امریکا میں اینڈرائیڈ صارفین کو اپنی ویب سائٹ پر پیکیج کٹس کے ذریعے ایپ کو ڈاؤن لوڈ کرنے اور اس سے منسلک ہونے کی سہولت دے گی۔

 ایپل اور گوگل نے اپنے ایپ اسٹورز پر ٹک ٹاک کو اس وقت سے بحال نہیں کیا ہے جب سے 19 جنوری کو ایک امریکی قانون نافذ ہوا تھا جس کے تحت ایپ کے چینی مالک بائٹ ڈانس کو ایپ قومی سلامتی کی بنیاد پر فروخت کرنا ہے یا پابندی کا سامنا کرنا پڑے گا۔

 صدر ڈونلڈ ٹرمپ، جنہوں نے قانون کے نفاذ کے اگلے ہی دن عہدہ سنبھالا، نے ایک ایگزیکٹو آرڈر پر دستخط کیے جس میں قانون کے نفاذ میں 75 دن کی تاخیر کی درخواست کی گئی تھی۔

 صدر ڈونلڈ ٹرمپ نے کہا ہے کہ وہ "ٹک ٹاک کی خریداری"  پر متعدد لوگوں سے بات چیت کر رہے ہیں اور ممکنہ طور پر اس ماہ ایپ کے مستقبل کے بارے میں کوئی فیصلہ کریں گے جس کے تقریباً 170 ملین امریکی صارفین ہیں۔

 صدر نے پیر کو ایک ایگزیکٹو آرڈر پر دستخط کیے تھے جس میں سال کے اندر اندر ایک خودمختار ویلتھ فنڈ بنانے کا حکم دیا گیا تھا جس کے بارے میں ٹرمپ کا کہنا تھا کہ یہ ممکنہ طور پر ٹک ٹاک خرید سکتا ہے۔