سٹی42: باٹا پور کے علاقے میں قاری وسیم نے 4 سالہ ذوالقرنین پر تشدد کیا جس کے نتیجے میں بچے کے چہرے پر نشان پڑ گئے۔

 ذوالقرنین جو حمزہ بلاک کے ایک مدرسے میں زیر تعلیم ہے اُسےسبق یاد نہ کرنے پر قاری نے اسے تشدد کا نشانہ بنایا۔پولیس کے مطابق جیسے ہی پولیس جائے وقوعہ پر پہنچی، قاری وسیم موقع سے فرار ہوگیا۔

 بچے کے والد نے پولیس سے درخواست کی ہے کہ وہ اس واقعہ کی مکمل تحقیقات کرے اور قاری کے خلاف قانونی کارروائی کرے۔

پولیس نے واقعہ کی تحقیقات کا آغاز کر دیا ہے۔