ویب ڈیسک: آج رات کے موسم کی صورتحال کے متعلق محکمہ موسمیات کا کہنا ہے کہ ملک کے بیشترعلاقوں میں موسم خشک رہے گا، جبکہ بالائی خیبر پختونحوا میں چند مقامات پر ہلکی بارش کا امکان ہے۔
سوموار کے روز موسم کی صورتحال کے حوالے سے محکمہ موسمیات کا کہنا ہے کہ اسلام آباد میں موسم خشک رہنے کا امکان ہے، خیبرپختونخوا کےبیشتر اضلاع میں بھی موسم خشک رہنے کا امکان ہے۔
محکمہ موسمیات کا کہنا ہے کہ پنجاب کےبیشتر اضلاع میں موسم خشک اور دن کے اوقات میں گرم رہنے کا امکان ہے۔
دوسری جانب پاراچنار ، سوات ،مانسہرہ ،دیر، باجوڑ اور وزیرستان میں چند مقامات پر تیز ہواؤں اور گرج چمک کے ساتھ ہلکی بارش کا امکان ہے۔
محکمہ موسمیات کے مطابق بلوچستان کےبیشتر اضلاع میں موسم خشک اور دن کے اوقات میں گرم رہنے کا امکان ہے، سندھ کےبیشتر اضلاع میں موسم خشک اور گرم رہنے کا امکان ہے۔
محکمہ موسمیات کا مزید کہنا ہے کہ کشمیر اور گلگت بلتستان میں مطلع جزوی ابرآلود اور خشک رہے گا۔